Deg wass yecban ass-a 7 Dujember deg useggas 2004, yewweḍ leεfu Ṛebbi, Mass Mohia Abdellah yettwassnen s yisem unaẓur Muḥya neɣ Muḥend Uyeḥya. D amyaru d amedyaz iqedcen aṭas ɣef yedles. Yettwassen aṭas s tsuqilt n tceqqufin n umezgun, tamedyazt d yeḍrisen n yimyura imeqranen n wemḍal maca aṭas daɣen i d-yesnulfa s yiman-is. Yerna, ijmeε-d aṭas n yisefra, inzan d tmucuha n Tmurt n Leqbayel. Yeǧǧa-d agerruj d ameqqṛan ! Ass-a, azekka, isem-is yezga yedder ulamma netta iɣab dayen ! Am wakken i d-yenna Dda Lmulud : Yella yiwen ulac-it yella, yella yiwen yella ulac-it !