Beṭṭu n Ṛebbi

Yiwen wemγar yella ḥaca netta d temγarti-is deg wexxam. Ass-nni inefq-d, yewwi-d ṛebεa yeftaten n weksum. Armi wwan, yenna-as i temγart-is qqim tura ad nečč.

Tenna-as : ad ten-nebḍu qbel. (netta i wakken ad d-tekkes ciṭuḥ seg umur-is ad t-ceggeε i yell-is).
Yenna-as a yexti aqlaq di sin yid-nneγ, ula γef waydeg nemḥasab.
Tenna-as : ala ! Beṭṭu-agi yeğğa-t-id Ṛebbi.
Yenna-as : ihi, amek ara nebḍu n Ṛebbi n beṭṭu n leεbad ?
Tanna-as : Aa... Beṭṭu n sidi Ṛebbi ! D win kan i yelhan.
Yenna-as : ihi ad awiγ kullec, kemmini ṛuḥ a tekseḍ.
Tenna-as : yaah !... D wagi i d beṭṭu n Ṛebbi ?
Yenna-as : d wa. Imi d wagi i tebγiḍ, axaṭer Ṛebbi yiwen yefka-as, wayeḍ xaṭi.
Tenna-as : i beṭṭu n leεbad amek i iga ?
Yenna-as : Beṭṭu n leεbad, myal yiwen ad yawi ayla-s neγ ad d-yeγli wexlul.

Faqu !

Yiwen yewwi-d aḥbib-is s axxam. Iγil ad yekk kra n wussan, ad iṛuḥ. Winna aεni yufa iman-is neγ amek, yeqqim-as din. Igguma ad iṛuḥ.

Tenna-yas tmeṭṭut i wergaz-is :
 ad d-naf ssebba a nennaγ, akken ad iṛuḥ umexluq-agi.
Dγa tṛuḥ a s-tecetki i inebgi-nni. Tenna-yas :
 Aḥeq kra i k-id-yewwin γer da d uzekka ad tṛuḥeḍ ar d netta i d ameṭṭalmu.
Yenna-yas :
 Aḥeq kra i yi-d-yewwin d wayen ara rnuγ akter ar d kemmini i iḍelmen.

Wehran : Tarbaεt umezgun tigawt d wawal

Tarbaεt umezgun Tigawt d wawal ad d-turar tamezgunt « Aneggaru a d-yerr tawwurt, yeččur wesqif n ṭṭmana » ass n n sem (lğemεa) 03 yulyu 2009 γef 16T30 deg tzeqqa Umezgun Aẓiyan n Wehran (T.R.O).
Tanazalt n tmezgunt

Aṭas i as-yeqqaren tuɛer tmaziɣt almi llant twaculin ttagadent ad tt-ɣren warrac-nsent, ahat d nettat ara yilin d sseba n lexsṣara, imi tuɣal taɣuri i yikayaden mačči i tmusni. (...)

Tiddukla tadelsant Numidya n Wehran yettheggi-d yiwet n tejmilt igerrzen ilmend n umili wis-11 n tmettant n Maεtub Lwennas. D tagnit ad seknen i teγzi n 2 wussan (24-25) yunyu (...)

Ccwaṭen i bedden γef tγerbalin (Qader Daḥdaḥ)

Tamacahutt n Izimer n sebεa turdas (Awzellag)

Tamacahutt n Ḥmiṭuc d Duduc deg teẓgi n ṭṭlam (Sεid At-Mεemmer)

Nunambeṛ - asefru sγur Muḥya

Nunamber yerra-d axbir
Yebrez abrid d amellal
Medden γilen d ttmesxir
Ma d irgazen reẓnen awal
Aqlaγ la t-id-nettfekkir
Ar tura la d-yessawal

Ar tura la d-yessawal
Mbeεid la d-yeggar tiγri
As-tiniḍ yebγa ad d-yuγal
Nekkni d ayen i nettmenni
Ma yeqqim-d kra n wawal
Ar ass-a mazal tefri

Ar ass-a mazal tefri
Anda iγ-yeğğa iγ-mazal
Yiwen yuγ ula d Ṛebbi
Wiyiḍ yerra-ten d lmal
Wigi ugaren Aṛumi
Ur yid-sen nemyeqbal

Ur yid-sen nemyeqbal
Ur yid-sen ṣellat-nnbi
Snen kan tinna n wuzal
Tinna n wuzal ad d-tezzi
Yerna ad mecḥen akal
S wass-is akk d kunwi

Muḥend-U-Yeḥya